По повеќе од две години заврши судскиот процес за нападот на охриѓанецот Христијан Пендиков, секретарот на поранешното бугарско здружение во Охрид, „Цар Борис Трети“.
Основниот суд во Охрид вчера ги осуди на затворска казна од по осум месеци неговите напаѓачи, Илија Спасески и Борче Ангелов, но исто така нападот го квалификуваше како тепачка со тешка телесна повреда, посочувајќи дека мотивот “омраза” не е докажан.
Случајот доби политичка конотација и влијаеше на односите помеѓу Македонија и Бугарија, која го квалификуваше како напад со етничка позадина, оти како што е познато Пендиков од Македонец стана Бугарин.
За да се лекува во Бугарија по нападот беше пратен дури претседателски авион, а по неговото лекување, бугарскиот политички врв му даде бугарско државјанство.
Осудените имаат право на жалба пред Апелациониот суд Битола.
ПОВРЗАНИ ВЕСТИ
Како Пендиков стана бугарски државјанин: Сценарио за Холивуд
Фото: Унсплеш