Основното јавно обвинителство за гонење на организиран криминал и корупција (ОЈО ГОКК) го обжали решението на Основниот кривичен суд за домашниот притвор за Асмир Јахоски, сопственикот на фирмата „Пуцко петрол„ и син на пратеникот на ДУИ, Исмаил Јахоски, кој го доби за кривичното дело Перење пари и други приноси за набавката на мазут со сомнителен квалитет и потекло за ТЕЦ Неготино.
ПОВРЗАНИ ВЕСТИ
Зошто Асмир Јахоски, сопственикот на „Пуцко петрол“ доби домашен притвор?
-Основното јавно обвинителство за гонење на организиран криминал и корупција го разгледа Решението со кое не се прифати предлогот на Обвинителството за определување на мерка притвор и на осомничен му беше определена мерка куќен притвор и мерка на претпазливост – одземање на патна исправа и забрана за издавање на нова патна исправа.
Незадоволно од ваквата одлука Основното јавно обвинителство за гонење на организиран криминал и корупција во законски утврдениот рок до Кривичниот совет при Основниот кривичен суд – Скопје поднесе жалба поради суштествена повреда на одредбите од кривичната постапка и побара Кривичниот совет да ги преиспита фактите содржани во жалбата, како и решавачките факти врз основа на кои е донесено обжаленото Решение, велат од таму.
ПОВРЗАНИ ВЕСТИ
Кои други лица освен Капушевски, Јаоски и Ковачевски се опфатени со истрагата за набавката на мазут
Фото: Економија и бизнис