Основниот кривичен суд Скопје му одреди 30-дневен притвор на косовскиот државјанин Б.Б. (76), кој го управуваше камионот кој удри во автомобил во сообраќајната несреќа кај скопската обиколница помеѓу надвозник Визбегово и клучката Мирковци, во која загинаа четири лица.
Притвор побара Основното јавно обвинителство, а тој му бил одреден синоќа, поради опасност од бегство и можност за повторување на кривичното дело, информираа од Судот.
ПОВРЗАНИ ВЕСТИ
Објавени фотографии од загинатите момчиња, од нив се прости и нивното поранешно училиште
Во несреќата загинаа 20-годишниците Марко Ѓорѓиевски, Петар Миланов и Адам Велков, и 51-годишниот оперски баритон Ристе Велков, татко на Адам Велков.
Косовскиот државјанин е осомничен за „тешки дела против безбедноста на луѓето и имотот во сообраќајот“, а како што информираа претходно од Обвинителството, тој не ја прилагодил брзината и не се придржувал кон прописите.
ПОВРЗАНИ ВЕСТИ
(Видео) Четири лица загинаа во сообраќајка кај скопската обиколница
