Регулаторната комисија за енергетика, водни услуги и услуги за управување со комунален отпад (РКЕ) донесе одлука со која се врши зголемување на малопродажните цени на нафтените деривати во просек за 2,62%.
Цените на бензините Еуросупер БС-95 и Еуросупер БС-98 се зголемуваат за 1,50 денари, а цената на Еуродизелот (Д-Е V) за 3,50 денари.
Еуросупер БС-95 ќе се продава за 93 денари, Еуросупер БС-98 за 95 денари, а дизелот за 101,50 денари за литар.
Цената на Екстра лесното масло за домаќинство (ЕЛ-1) се зголемува за 2 денари и ќе се продава за 100,50 денари за литар.
Цената на Мазутот М-1 НС пак се зголемува за 1,850 денари и сега ќе изнесува 45,576 денари за килограм.
Фото: Unsplash
