Министерство за правда се уште нема добиено одговор во врска со барањето за екстрадиција на Никола Груевски од надлежното министерство во Унгарија, одговори на новинарско прашање министерката за правда Рената Тренеска-Десковска, на денешната прес-конференција во Владата со премиерот Зоран Заев.
-Сепак, оние пристојни рокови за одговор не се изминати. Ќе почекаме, доколку не добиеме во роковите, ќе пуштиме ургенција. Тоа се стандардни процедури кои што се спроведуваат. Сакам да напоменам дека, досега во ниту еден случај Унгарија не одбила да екстрадира ниедно лице. Последната екстрадиција беше во септември оваа година и немавме никаква забелешка ниту за водење на судски постапки, ниту за состојба на затворите ниту дека постои некој ризик во Република Македонија. Се надевам дека согласно на својата пракса Унгарија ќе треба да одговори и на овој случај – рече Тренеска Дескоска.
МИА/Фото: Влада
ПОВРЗАНИ ВЕСТИ
Да не „бомбардира„ и Груевски од Унгарија
Груевски додека има мандат ќе зема пратеничка плата, која ќе му се намалува
Пратеник на српската СНС: Бегството на Груевски е најдоброто решение