еМагазин
Image default
БАШ НИ Е ЌЕФ

Македонски кадети наградени од австриската Воена академија

Кадетите од Воената академија Сара Тасевска и Стефан Стојаноски со натпросечен успех завршија настава од еден семестар на австриската (Theresan) Воена академија, а Тасевска е избрана и за најдобар меѓународен студент.

– Вие сте гордост не само за Воената академија туку и за целата АРМ, за нас како Министерство за одбрана и за нашата држава бидејќи со постигнатиот успех покажавте дека Македонија има кадровски потенцијали за да ја гради својата иднина како земја членка на НАТО. Вашата амбициозност и посветеност се пример и за следните генерации на Воената академија, истакнала министерката за одбрана Радмила Шекеринска денеска на средба со наградените кадети.

Како што соопшти Министерството за одбрана, Шекеринска оценила дека Воената академија развива образовен систем кој овозможува знаењата од областа на безбедноста да се компарираат и дополнуваат со знаењата и вештините кои ги нудат воените академии во странство.

Питомците Тасевска и Стојаноски се заблагодариле за поддршката и рекле дека тоа за нив претставува поттик и дополнителна мотивација во натамошното образование и служењето во АРМ.

Фото: Министерство за одбрана

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Влатко Палчевски: Пантелеон ГС e компанија која обединува талентирани млади луѓе кои од земјава работат за американскиот пазар!

Редакција

Скопје пулсираше во ритамот на културата: 19. „Бела ноќ“ ги наполни културните јадра

Редакција

„И од Битола се може(и)“ започнуваат со втора сезона бизнис предавања

Редакција