Премиерот Зоран Заев денеска потврди дека во пописот што треба да се спроведе наредната година ќе има графа за етничка припадност на граѓаните, иако претходно се најавуваше дека тоа нема да биде случај, туку дека тие ќе може да се изјаснуваат само кој јазик им е мајчин.
-Се усогласивме дека ќе има графа за етничка припадност заради тоа што тоа е многу важно и за помалкубројните заедници. На пример ромската заедница многу малку или поретко го употребува својот мајчин ромски јазик и ако само јазикот биде во делот на графата тогаш тоа може да не доведе вистинска бројност на таа заедница, рече Заев.
Од тие аспекти, потенцира премиерот, како солидарни припадници на поголемите етнички заедници донесовме одлука и изградивме заедники став да го охрабриме и Еуростат и ДЗС да ја има графата за етничка припадност.
МИА/Фото: Влада