Веројатно по состанокот со германската канцеларка Ангела Меркел ќе имаме подетални информации за добивање на датум за почеток на преговорите. Јас сум убеден дека ќе има јасно прецизно определување кога ќе го добиеме датумот за преговори. Мене ми е јасно дека јуни не е толку извесна можност, но имаме можности за јули, изјави премиерот Зоран Заев во „Отворено“ на „ТВ24“.
„Испорачавме, должност е да испорачате. Ако не се испорача, не очекувајте Вучиќ и Тачи да бараат договор. Ако не испорачате, може да го отворите патот за влијание од трети земји и трети страни. Знаат и самите дека можат да го вратат национализмот, радикализмот. Тоа е причината зошто сметам дека ќе испорачаат“, рече Заев.
Средбата помеѓу Заев и Меркел ќе се случи во четврток.
Фото: Влада