еМагазин
Image default
Македонија

Ако бидат откажани дел од нарачките следни за нарачка ќе бидат вакцините „Спутник“, порача Заев

Ние сме нарачале толку вакцини против Ковид-19, колку што Комисијата за здравство кажува по нивна проценка дека е доволно за колективната имунизација на населението. Така што дефинитивно сме направиле чекори, сме потпишале договори, некаде авансно сме платиле или слично за да ги обезбедиме тие количини. Ова денеска го истакна премиерот Зоран Заев.

– Ако продолжиме да порачуваме вакцини „Спутник“, следна веројатно е „Астра Зенека“, па нови количини од „Фајзер“, па нови количини од „Синофарм“ и ќе се затекнеме да има пет милиони вакцини во државата.

Тоа е недозволиво заради рационалноста и наменското трошење на јавните пари. Затоа сме направиле договори толку колку што имаме потреба согласно националниот план за вакцинација на граѓаните.

Ако се откаже дел од нарачките и се анулира дел од нарачката веројатно следни за нарачка ќе бидат токму „Спутник“ вакцините, рече Заев, одговарајќи на новинарско прашање по отворањето на новата Европска куќа во Струмица.

Како земја членка на НАТО во консултации секако и со стратешките партнери на државата, посочи премиерот, вакцинирањето претставува суверено право на секоја земја и апсолутно нема никакви геостратешки или геополитички реперкусии заради тоа што се работи за здравство, се работи за здравјето на граѓаните и апсолутно немаме никакви резерви.

ПОВРЗАНИ ВЕСТИ

Допрва ќе се прави проценка дали треба да се набави руската вакцина против Ковид-19

Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Видео од стравичната сообраќајка во Србија во која загинаа и двајца македонски државјани

Редакција

Има причини за загриженост за безбедноста на Западен Балкан, рече генералниот секретар на НАТО, Столтенберг од Скопје

Редакција

Секој медиум слободно ја одредува својата уредувачка политика, за ставот на Ахмети побарајте одговор од него, вели Ковачевски

Редакција