еМагазин
Image default
БЕНЧМАРК ТОП СТОРИИ

Ако се врати националистичката реторика кај соседите, ќе ја редефинираме позицијата за евроинтеграцијата, порачуваат од Грција

Враќањето на една националистичка реторика од нашите соседи, во суштина ќе нѐ одведе до редефинирање на нашата национална позиција за поддршка на процесот на проширување на ЕУ, рече алтернативниот шеф на грчката дипломатија Милитиадис Варвициотис, јави дописничката на МИА од Атина.

За време на заедничката седница на комисиите за европски и надворешни прашања во грчкиот Парламент, на која министерот за надворешни работи на Словенија Анже Логар говореше за приоритетите на словенечкото претседателство со ЕУ, Варвициотис, во неговото обраќање, изрази загриженост за случувањата кај нас и истакна дека правилното спроведување на Договорот од Преспа е еден од предусловите во преговарачката рамка.

-Морам да го признам следното: многу нѐ загрижуваат случувањата во Северна Македонија. Враќањето на една националистичка реторика од нашите соседи, во суштина ќе нѐ одведе до редефинирање на нашата национална позиција за поддршка на процесот на проширување.

Бидејќи еден од цврстите предуслови што се поставени во преговарачката рамка е доследно и правилно спроведување на сите одредби од Договорот од Преспа. И неопходно е, оваа порака, денеска, од сите нас да биде испратена до нашите соседи кои се наоѓаат во политичка бура, рече Варвициотис .

Паралелно, уште еднаш ја повтори грчката поддршка за напорите на словенечкото претседателство за проширувањето на Унијата со Западен Балкан.

Шефот на словенечката дипломатија, Анже Логар во однос на првата меѓувладина седница на ЕУ со Северна Македонија и Албанија рече дека „ситуацијата е тешка“, објаснувајќи дека 27 земји се согласија, а една земја членка која има одредени резерви нема функционална Влада, поради владината криза, „па така, Претседателството нема соговорник од таа страна за да преговара за прашањето“.

-Ако не можеш да разговараш, не можеш да најдеш решение. Имаме некои позитивни знаци од Бугарија за во следните месеци. Но, претпоставувам дека ќе биде невозможно за време на словенечкото претседателство да има напредок во прашањето, а тоа не е поради недостиг на наши иницијативи или недостиг на наши амбиции, туку поради ceteris paribus, рече Логар.

На денешната седница, партиските ставови ги претставија известувачите од шесте партии што се дел од Парламентот, а известувачот од СИРИЗА, пратеникот Јанис Бурнус рече дека словенечкото претседателство правилно бараше временско обврзување за интеграција на регионот во ЕУ, истакна дека „оставката на Заев е резултат на поткопувањето на европската перспектива на Западен Балкан од одредени земји членки“ и побара што е можно поскоро да се одржи првата меѓувладина седница на ЕУ со Албанија и Северна Македонија.

ПОВРЗАНИ ВЕСТИ

Независно од владите, договорите мора да се почитуваат, порачуваат од Грција

МИА/Фото: Кабинет на претседателот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ООУ „Лазо Ангеловски“ во Аеродром стана првото целосно инклузивно училиште во Македонија

Редакција

„Ни Чак Норис не може да си купи стан сам од себе“: Твитер реакции за Мијалков чии конфискувани станови ги купи неговиот син

Редакција

Аеродромите во Скопје и Охрид со 2,4 милиони патници во првите девет месеци

Редакција