еМагазин
Image default
Македонија

Јанакиески реагираше по неколку слушнати „бомби“ и побара да се потврди нивната автентичност

Разговори меѓу поранешниот министер за транспорт Миле Јанакиески, поранешната министерка Гордана Јанкуловска и Мартин Протуѓер, шеф на Кабинетот на поранешниот премиер се слушаат во судницата во Кривичниот суд во Скопје.

На аудио снимките се слуша како тие разговараат за гласачите од дијаспората и колку се официјално пријавени во ДИК, како и за потенцијалните кандидати на изборите кои би можеле и би имале најдобри шанси да бидат на листата во изборните единции.

По неколку слушнати разговори, Јанакиевски реагираше до судот дека, како што рече, фали разговор меѓу него и Илија Димовски.

– Од наводните снимки кои СЈО вели дека се разговори меѓу мене и Протуѓер, кажувам дека ќе се слушнам со Илија Димовски. Следниот пуштен разговор е 10 минути подоцна со Протуѓер каде јас го раскажувам разговорот со Илија. Ова е доказ дека не се сите разговори доставени и дека треба да се потврди автентичноста, рече Јанакиевски.

Адвокатот на одбраната Петар Василев побара обвинителот да каже на која основа се репродуцираат доказите, бидејќи, како што рече, од разговорите досега може да се чуе само за организациските способности на една партија за политичка кампања и ништо за кривичното дело.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Унгарското МНР за изјавата на Хан за Груевски: Тој да се грижи за проширувањето, а не за законските процеси во земјите членки

Редакција

Филипче: Ги следиме забелешките за вакцината на „АстраЗенека“

Редакција

24% од 38.019 заболени со Ковид-19 биле вакцинирани, 19% од нив завршиле во болница

Редакција