ЕСМ информира дека од денес попладне, па во наредните два дена Блок 1 на РЕК Битола ќе биде плански исклучен од електроенерегетскиот систем на Македонија.
„Краткотрајниот прекин во работењето е со цел зголемување на доверливоста и стабилноста на постројката.
Потсетуваме уште еднаш дека годинава, со оглед на енергетската криза во државата и Европа, РЕК Битола нема да прави класични ремонти на блоковите, туку ќе ги користи приликите за техничко – технолошки зафати за санација и нега на производствените погони согласно околностите.
Во меѓувреме, продолжува со работа Блок 2 на РЕК Битола.
АД ЕСМ ги обезбедува потребите за електрична енергија за домаќинствата и малите потрошувачи исклучливо од сопствено производство. Струја не се увезува и не се планира увоз на електрична енергија од странство ниту во следните денови,“ велат од компанијата.
Фото: Влада