Бугарскиот клуб „Иван Михајлов“ е избришан од Централен регистар, кој постапи по решението од Министерство за правда со кое се одбива употребата на името Иван Михајлов.
„Министерот Лога го потпиша решението имајќи го предвид негативното мислење на Комисијата за употреба на имиња на личности која денеска одржа седница и во образложението за негативното мислење наведе дека именувањето на какво било здружение на граѓани со името Иван (Ванчо) Михајлов претставува навреда и провокација на националните чувства на македонскиот народ со оглед на неговото јавно и постојано негирање на македонскиот идентитет, јазик и култура. Величењето и славењето на неговиот лик и дело предизвикуваат нетрпеливост, нетолеранција и омраза во македонското општество,“ информираа на 16 март од Министерството за правда.
Оттаму додаваат дека во член 9-а од Законот за здруженија и фондации за употреба на име, презиме, псевдоним, прекар, кратенка или иницијали на личност, наведено е дека согласност дава министерот за правда по претходно добиено позитивно мислење од Комисијата за употреба на имињата на личности.
ПОВРЗАНИ ВЕСТИ
Министерот за правда Лога го потпиша решението со кое се одбива користењето на името Иван Михајлов
Одбиено барањето на бугарското здружение „Цар Борис Трети“ за усогласување со законските измени
Фото: Фејсбук/Иван Михајлов