Цар Самоил преставен без никакви атрибути во новиот учебник по Историја и општество

Во новиот учебник по Историја и општество, кој предизвика лавина од реакции во јавноста и на социјалните мрежи, поради грешки и лоши преводи, за средновековниот македонски владетел Цар Самоил нема никаква историска референца и не му се даваат никакви атрибути, кој бил и зошто се споменува во учебникот, пренесува Слободен печат.

За него се пишува во делот насловен со „Археолошки локалитети во нашата земја“, а наведени се и Кокино, Хераклеја и Стоби.

– Самуиловата тврдина која се наоѓа во Охрид е една од најголемите средновековни тврдини во нашата земја. Најголемиот дел од ѕидовите и кулите датираат од времето на царот Самуил (10-11 век од н.е.), по кој оваа тврдина го добила и името.

Тврдината е археолошки локалитет кој сè уште претставува предизвик за археолозите и историчарите. Во близина на тврдината се наоѓа и амфитеатар во кој се одржува манифестацијата Охридско лето, пишува во учебникот.

ПОВРЗАНИ ВЕСТИ

“Жално е колку распаднат образовниот систем, во секој поглед„: Твитер реакции за грешките и лошите преводи во учебникот по Историја и општество

(Фото) Македонија на исток граничи со Албанија, а на запад со Бугарија: Грешки и лоши преводи во новиот учебник по Историја и општество

Фото: Википедија