На 02.09.2019 во 11.50 часот на крстосница од улиците „Гоце Делчев“ и „Шар Планина“ во Охрид се случила сообраќајна незгода помеѓу патничко моторно возило „фолксваген џета“, управувано од А.Н.(56) од Охрид, со живеалиште во САД и мопед „кимко“ со кумановски регистарски ознаки, управуван од К.Д.(29) од Охрид, информира МВР.
Во незгодата со тешки телесни повреди се здобил К.Д. кој бил пренесен во болницата „Св.Еразмо“ во Охрид, каде му била укажана лекарска помош. Увид на местото на настанот извршила увидна екипа од СВР Охрид.
Истиот ден, во 15.30 часот на ул.„Питу Гули“ во Охрид се случила сообраќајна незгода помеѓу патничко моторно возило „мерцедес“ со охридски регистарски ознаки, управувано од П.Т.(71) од Охрид и мопед „априлија“ со охридски регистарски ознаки, управуван од 17 – годишник од Охрид.
Во незгодата со тешки телесни повреди се здобил возачот на мопедот, кој бил пренесен во болницата „Св.Еразмо“ во Охрид каде му била укажана лекарска помош. Увид на местото на настанот извршила увидна екипа од СВР Охрид.