Д-р Олумчев: Изградивме хибриден имунитет кој есенва ќе нè штити од нови корона-соеви и од други респираторни вируси

Во моментот во Македонија, во изминативе две и пол години, изградивме еден хибриден имунитет, што со вакцинирање, што со прележување на короната, кој и тоа како ќе ни користи во есенските месеци, кога ќе биде сезона и на други респираторни вируси, и евентуално, нови подваријанти на коронавирусот, вели за Вечер, доктор Сашко Олумчев, епидемиолог во Центарот за јавно здравје Велес, Подрачна единица Гевгелија.

– Јас не очекувам драматична промена на оваа ситуација и наесен. Иако, со почетокот на есента и на училишната година, можно е да се зголеми бројката на инфицирани и појава на отсуство од работа и од часовите, поради мерката од седумдневна изолација, но, не очекувам влошување на симптоматологијата.

Мислам дека во наредниот период Комисијата за заразни болести ќе ја  намали оваа изолација на 3 дена.

Исто така, сакам да потенцирам дека сум оптимист и очекувам до крајот на годината, ковид-вирусот да се внесе во евиденцијата на ендемски вируси и да се третира, како и другите вируси, со вакцинирање по сопствен избор, секоја година, вели Олумчев.

ПОВРЗАНИ ВЕСТИ

Проф. Трајковски: Се движиме кон колективен имунитет на новиот сој на Ковид-19, што би требало добро да држи барем до Нова година

Доктор Пановски: Луѓето со хронични заболувања да избегнуваат гужви, иако Ковид-19 веќе е статистика за која пишуват медиумите

Фото: МИА