еМагазин
Image default
БАШ НИ Е ЌЕФ

dm drogerie markt донираше повеќе од 360 илјади денари на одделот за урологија при Градската општа болница „8. Септември“ во Скопје!

Компанија dm дрогерие маркт, која е позната на нашиот пазар како општествено одговорна компанија, по повод 19 ноември – Светскиот ден на мажите, а во рамките на светски познатата кампања „Movember“ донираше два цитоскоп апарата во вредност од повеќе од 360.000 денари на одделот за урологија при Градската општа болница – 8. Септември во Скопје, информираат од таму.

Со оваа донација, како и со целата кампања Movember, компанијата има за цел да ја поткрене свеста за редовните прегледи, како неопходен дел од борбата за подобрување и зачувување на машкото здравје.

„Среќни сме што од година во година изнаоѓаме нови начини да го оправдаме филантропскиот принцип – еден од постулатите на нашата компанија. Покрај тоа што во текот на целиот месец преку различни активности ја подигаме свеста за постоењето и превенцијата на машките болести, со оваа донација даваме и придонес на една од институциите кои работат конкретно на оваа проблематика, а ова нè прави особено горди“, велат од компанијата.

Ноември, или популарниот „Movember“ е месец во знакот на грижата на машкото здравје и ја нагласува важноста на свесниот начин на живот и редовни здравствени контроли. Ракот на простата е втор најчест карцином кај машката популација, додека ракот на тестисите е најчестиот облик на рак кај мажите на возраст меѓу 15 и 34 години, а редовните прегледи се најзначајниот фактор за превенција.

Грижата за машкото здравје не треба да се гледа како слабост или да биде фокусирана само во еден месец. Само со заедничка посветеност и заеднички сили може да се развие свеста за значењето на редовните прегледи, а со оваа донација на dm и да се подобри квалитетот на здравствените прегледи, велат од таму.

dm дрогерие маркт, благодарение на постојаното вложување во здравствениот сектор е етаблиран како пријател на македонските здравствени институции, посочуваат од таму.

Во изминатата деловна година, компанијата донираше повеќе од 5,3 милиони денари во општествено одговорни цели. Меѓу другото, во текот на оваа година компанијата донираше повеќе од 1,6 милиони денари за подобрување на условите за родилките во пет јавни клиники во земјава.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

На апликацијата „МојВоздух/AirCare“, има официјални информации за заштита од корона вирусот

Редакција

(Галерија) Како изгледа велопатеката на Водно

Редакција

АВАЈА ги артикулира буџетските барања на граѓаните кон локалните власти

Редакција