Доктор Злате Мехмедовиќ од Здравствен дом – Скопје за емисијата „24 Отворено“ на телевизијата 24 изјави дека преносливоста на новиот делта сој на Ковид-19 е поголема за 60% во затворени простории и за 40% на отворено.
ПОВРЗАНИ ВЕСТИ
Се што треба да знаете за делта сојот на Ковид-19: Од симптоми до вакцини
Професор Трајковски: Делта сојот можеби е веќе доминантен во Македонија
“Делта варијантата на вирусот беше присутна уште во март оваа година во Индија и проблемот со оваа варијанта е што лесно се пренесува. Преносливоста како компонента е значително изразена, споредено во однос на оригиналниот сој, и уште повеќе со оној алфа сој (британскиот, н.з.) од Велика Британија.
Преносливоста се смета дека е поголема за 60% на затворено и 40% на отворено и тоа е навистина една голема бројка. Се смета дека бројот на заразени се дуплираат секој ден во рок од една недела и имате експоненцијално растење на кривата, бројките на хоспитализирани се дуплирани, како и бројките на смртни случаи.
Ова се информациите што ги добиваме од Индија. Нормално, во оние земји каде процесот на вакцинација е спроведен е поинаку, затоа не можеме да добиеме една дефинитивна слика за тоа каков е клиничкиот аспект на оваа болест, поради тоа што во Индија можевме да видиме некои тешки форми на болеста, со некои непознати форми на засегање на кардиоваскуларниот систем и на дигестивниот систем, како и на нервниот.
Во Велика Британија гледаме една друга слика, имаме значителен број на ПЦР тестови, меѓутоа имаме мал број на хоспитализирани лица, што е добар индикатор. Двата аспекти на болеста што нас нè загрижува е брзата трансмисија и клиничката слика на болеста“, речеМехмедовиќ.
ПОВРЗАНИ ВЕСТИ
Доктор Кунгуловски: Тешки месеци со делта сојот ги чекаат невакцинираните и непрележаните
Фото: Мехмедовиќ/Фејсбук