Во однос на зголемување на бројот на заболени со Кобид-19, микробиологот Никола Пановски вели дека треба да се гледа дали има хоспитализирани и критично болни.
-Не е важна бројката на заразени, треба да се гледа дали има хоспитализации и критично болни лица, што во моментов ги нема, нема место за загриженост, но ситуацијата треба да се следи.
Ковидот не е веќе меѓу првите пет заразни болести според хоспитализациите и смртност во моментов во државата, па ако така остане, ситуацијата е добра. Но и да има нов бран, нема да биде со последици како претходните четири брана.
Новите типови на омикрон брзо се шират особено кај младите, но поминува како настинка, појаснува д-р Пановски за весникот Вечер.
Тој вели дека вирусот побрзо се шири во градовите каде што е топло во работните простории, во домовите, хотелите се пушта клима, а се затвораат прозорците.
-Климата ги шири аеросолите и затоа во урбаните средини расте бројот на заразени со ковид, побрзо и од периодот на зимата, вели Пановски.
ПОВРЗАНИ ВЕСТИ