На денешната 65. седница на Советот на Општина Центар, градоначалникот Саша Богдановиќ и советниците едногласно ја усвоија Одлуката за доделување финансиски средства за семејството на Јасмина Василковска, чии што органи беа донирани по нејзината смрт и спасија три човечки животи, информираат од Општината.
ПОВРЗАНИ ВЕСТИ
Јасмина, жената донор на срце и бубрези била мајка на 10 месечно бебе
– Како Општина Центар ова е најмалку што можеме да направиме и да се заблагодариме на семејството Василковски за најхуманото сторено дело, за човечноста и за големината да се биде човек.
Јасмина Василковска беше наша сограѓанка и жителка на Општина Центар и затоа во нејзина чест ќе обезбедиме 100.000 денари од Буџетот на Општина Центар, а средствата ќе ги донираме на нејзиното семејство, изјави градоначалникот Богдановиќ.
Фото: Општина Центар