Менаџментот на компанијата ДММ Дрекселмаер Мануфактуринг предводен од директорот Лукас Мурингер на средба со министерот задолжен за регулатива за подобрување инвестициска клима Зоран Шапуриќ изразил задоволство од соработката со Владата на Република Македонија и најавил нови инвестиции во државата.
Како што соопштија од кабинетот на Шапуриќ, овој странски инвеститор во 2018 година остварил раст и го зголемил своето производството за околу 13 проценти.
Набавките на Дрекселмаер од македонските компании, се посочува, оваа година ќе достигнат рекордни 12 милиони евра и планираат во иднина да ги зголемат за што ќе го развиваат и надградуваат веќе востановениот едукативен и тренинг центар.
Компанијата која во моментов вработува 6.000 работници со новите инвестиции ќе вработи уште околу 800 работници.
Фото: Фејсбук/Шапуриќ