Последното истражување на „Балкан барометар 2021“ на Регионалниот совет за соработка, кооснован од ЕУ, покажува дека во Македонија, поддршката за пристапување во Европската Унија падна на 53 отсто, а до сега таа поддршка никогаш не била под 70 отсто.
На прашањето, дали мислите дека членството во ЕУ ќе биде добра работа, лоша работа или ниту добра, ниту лоша работа за вашата економија, 53 отсто од испитаниците од Македонија одговориле дека ќе биде добра работа, 33 отсто дека ќе биде ниту добра, ниту лоша работа, а 11 отсто дека ќе биде лоша работа.
Граѓаните на Косово и Албанија се најголеми оптимисти, со 91 отсто и 84 отсто од испитаниците кои гледаат позитивно на членството во ЕУ.
Србија останува единствената земја каде што помалку од половината (42 отсто) од испитаниците поддржуваат членство во ЕУ.
Фото: Влада