Филипче ги повика пратениците да го изгласаат законот со кој ќе се намали цената на лекување на ковид-пациенти во приватните болници

Министерот за здравство Венко Филипче ги повика сите пратеници во Собранието да дадат поддршка на Законот за здравствена заштита, со чии што измени се предлага, цените во приватните болници да бидат изедначени со референтните цени утврдени од Фондот за здравствено осигурување (ФЗО).

„Во време на пандемија од клучна важност е пратениците да го изгласаат оваа законско решение со кое цените за третман на пациенти во приватните болници ќе бидат финансиски издржливи за сите граѓани.

Државата освен што има овластување да склучи договор со приватните болници преку ФЗО, може да постави и лимит за максимален износ на едно приватно лекување од Ковид-19.

Регулирањето на цените е неопходно за да не се доведеме во ситуација приватните здравствени установи да останат недостапни за огромно мнозинство на граѓани во нашата земја,“ напиша Филипче на Фејсбук.

Денеска на седница на Влада е Законот со кој се предвидува дијагонстицирање и лекување на ковид пациенти, во приватните болници да се движи од 40.000 до 305.000 денари.

ПОВРЗАНИ ВЕСТИ

Што предвидуваат законските измени: Колку граѓаните ќе плаќаат во приватните болници за лекување од Ковид-19

Владата ќе ја ограничува заработката на приватните болници за ковид-пациенти

Фото: МЗ