Пред само два дена на барање на модната агенција Елит од Милано нашиот интернационален модел Андреј Пајмакоски замина за Милано за да го потпише ексклузивниот договор.
„Еlite Model Management и денес е една од трите светски водечки модни агенции во светот. Нашиот Андреј секако имаше успешна година позади себе каде изработи голем број кампањи и едиторијали помеѓу кои беа за Дона Матоши (Косово), Спорт Вижн (Србија), Replay (Косово), како и последната кампања за Фешн Груп (Mango Man, Dan John и Bitsiani).
Откако се појави на модната сцена кај нас сите му предвидоа блескава кариера во моделингот, затоа и беше сосема разбирливо да го букираат едни од најдобрите. Според сите модни параметри и стандарди, Пајмакоски е на добар пат да го покори модниот свет, ние сме горди на неговата посветеност и крајна професионалност.
Во секој случај да се биде дел од светски признаена модна агенција како Елит е голема чест и привилегија за нашиот убавец ,“ велат од матичната агенција Моделс Ин Менаџмент.