Србите кои тргнаа на годишен одмор најдоа начин како да се искулираа додека чекаат да помине гужвата на границата и ова е хит, пишува белградскиот портал Ноизз.
Деновиве има огромен метеж на границите, особено кон некои морски дестинации каде Србите одат на одмор. Една од најпосетуваните локации е Грција, но сега до неа поспоро се доаѓа затоа што има бесконечни колони пред секоја граница.
Така, се чекаше и на границата со Македонија по неколку часа, а снаодливите Срби смислија како да го убијат времето без да се крчкаат во автомобил.
Еден TикТокер објави ситуација на граница каде може да се видат неколку мажи како играат фудбал среде метеж од автомобили.
– Ова може да ни се случи само нам. Но, за разлика од минатата година, кога најмногу се расправаа кој смее да помине, ова е многу поубава слика – е еден од коментарите на социјалните мрежи.
Видеото брзо стана вирално и многумина ги пофалија дури и граничарите кои не ги потераа момците во автомобилите, бидејќи ретко каде е дозволено да стоите надвор од превозот на граничните премини.
„Не е ова попусто најважната споредна работа во животот. Еве што друго би можеле да правите освен да играте фудбал. Браво момци“, пишува во коментарите.
МИА/Видео/фото: МИА/Влада