Општина Ѓорче Петров забрани сушење на алишта во дворни места што се со поглед на улица или на плоштад.
„Општина Ѓорче Петров ја измени одлуката за комунален ред и мерки за нејзино спроведување. Целата дополна е објавена на Службениот гласник бр 5,“ напиша градоначалникот на Општина Ѓорче Петров, Александар Наумоски.
По оваа објава на неговиот фејсбук-профил имаше лавина од реакции на граѓани кои укажувајќи на реалните проблеми во општината, посочија дека само уште овој проблем со алиштата останал нерешен.
„Згради без паркинзи и коли на тротоари битно колку сакаш. Хром е буквално уништен, они за алишта сушење се фатиле,“ се вели во дел од коментарите.
Во друг коментар се додава дека „петнаесет минути дожд да врне, Ѓорче Петров станува Венеција, за алишта се фативте. Циркус Медрано не ви е рамен.“