Личност која звучи и личи на градоначалникот на Киев, Виталиј Кличко успеала да разговара со градоначалниците на Берлин, Мадрид и Виена, пишува „Гардијан“.
Градоначалничката на Берлин, Франциска Гифеј, имала однапред закажано видео интервју со личност за која изјавила дека изгледа и звучи како Кличко преку платформата Webex.
„Немаше знаци дека видеоповикот не бил одржан со вистинска личност“, се вели во соопштението од нејзината канцеларија.
Лицето на видеото, кое се претставувало како Кличко, ги повикало бегалците да се вратат во Украина и да се приклучат на војската.
По таа изјава, на градоначалничката на Берлин ѝ станало сомнително. Откако врската накратко била прекината, кабинетот на градоначалничката на Берлин контактирал со украинскиот амбасадор во Германија. Тој стапил во контакт со Киев и потврдил дека личноста во видеоповикот не е вистинскиот Кличко, објави Der Spiegel.
Фото: Фејсбук/Кличко