Остварените единечни вкупни приходи на Гранит АД Скопје во периодот јануари – декември 2022 година изнесуваат 5.025.625 илјади денари и во споредба со остварените во истиот период 2021 година бележат зголемување за 1,3%, информираат од компанијата преку Македонската берза.
-Приходите од продажба изнесуваат 4.605.995 илјади денари и во споредба со остварените во истиот период 2021 година бележат намалување за 1%.
Финансиските приходи изнесуваат 78.198 илјади денари и во споредба со остварените во истиот период 2021 година бележат зголемување за 1%.
Остварените единечни вкупни расходи се во износ од 4.892.738 илјади денари, споредено со истиот период 2021 година бележат зголемување за 2,4% .
Во периодот јануари – декември 2022 година, Друштвото оствари позитивен резултат (добивка) во износ од 132.888 илјади денари и истата е намалена во однос на претходната година за 26%.
Намалување на добивката во најголем дел се должи на зголемување на пазарните цени на одредени клучни материјали и суровини за изградба (цената на нафтата има зголемување за 55% во однос на 2021, цементот има зголемување за 38%, железото е зголемено за 28%, електричната енергија за 89%), велат од компанијата.
ПОВРЗАНИ ВЕСТИ
Гранит склучи договор со Јавното претпријатие за државни патишта вреден 598,3 милиони денари
Која е градежната компанија од Белград која стана акционер на 5% од акциите на Гранит