Утре треба да стартува изградбата на делницата Гостивар – Букојчани, која е во должина од 30,1 километри.
Оваа е најкомплицираната делница, која има и најмалку земјиште за експропријација, а порталот А1он објави дека американско-турскиот конзорциум „Бехтел и Енка“ за делницата како подизведувачи ги ангажирал домашните фирми „АК инвест“, „Еуровиа“ и „Стентон градба“.
ПОВРЗАНИ ВЕСТИ
Кој е Елмедин Адеми, сопственикот на Еуровиа, донатор на ДУИ, која доби милионски тендер на МНР
Фирмата „Еуровиа“, донатор на владејачката ДУИ, периодов е фокусот на јавноста за тендерот кој го доби од Министерството за надворешни работи.
ПОВРЗАНИ ВЕСТИ
(Фото) Османи и врвот на ДУИ на свеченост кај донаторот Адеми, кој го доби милионскиот тендер на МНР
Покрај Гостивар – Букојчани, со договорот на Владата со „Бехтел и Енка“, опфатени се и автопатските делници на Коридорот 8: Требеништа – Струга – Ќафасан (22,5 километри) и Тетово – Гостивар (над 17 километри), а од Коридорот 10-д и на делницата Прилеп – Битола (40 километри).
Последната делница што ќе се гради треба да биде Требеништа – Струга – Ќафасан.
На западниот дел од Коридорот 8 низ Македонија, од Скопје до Ќафасан останува да се доизгради на ниво на автопат делницата од Кичево до Охрид, која се гради веќе 10 години, како и подделницата од Букојчани до Кичево во должина од околу 10,2 километри, која треба да ја изгради Јавното претпријатие за државни патишта со заем од Европската банка за обнова и развој.
ПОВРЗАНИ ВЕСТИ
Како е можно потпретседателот Османи да не знае дека Еуровиа е донатор на ДУИ
Фото: Влада