Компанијата „Икарус“ во соработка со ЕВН Македонија, е избрана на тендер за набавката на 100 нови еколошки автобуси за градот Скопје, информираше градоначалникот на Град Скопје, Орце Ѓорѓиевски.
„Ова е историски чекор кон сериозна обнова на возната флота на ЈСП „Скопје“ и почеток на нова ера во јавниот градски превоз – помодерен, почист, побезбеден и подостоинствен за скопјани.
Избрана е компанијата „Икарус“, во соработка со ЕВН Македонија.
Од денес започнува десетдневниот рок за жалби, по што следуваат потпишувањето на договорот и почетокот на процесот за испорака на автобусите во Скопје,“ вели Ѓорѓиевски.
