Во Музејот на Град Скопје е отворена изложба на најдобрите дела од проектот „Млади уметници”, кој Агенцијата за млади и спорт го реализира изминативе пет години.
Проектот опфаќа пет различни категории и тоа: слика, скулптура, графички дизајн, фотографија и графика, во две одделни групи, млади од 15-20 години и 20-29 години.
Во помлада возрасна група наградени се: Душан Цветков, Константин Митевски, Каја Тасевска и Ана Богоевска, додека кај повозрасните наградени се делата на Давор Кешќец, Денис Јагџи, Драганчо Божинов, Елеонора Накевска и Дамјан Ристевски.
-Младите се иднината на секоја земја, водечка сила и затоа насоките во кои кои се движат младите се битен фактор за успех на сите полиња. Уметноста не познава граници, националности, ниту вери, таа е универзална и претставува јазик кој сите го разбираат, изјави директорот на Агенцијата за млади и спорт, Дарко Каевски на отворањето на изложбата.
