Амбасадорот на Македонија во Бразил, Ивица Боцевски на својот Фејсбук профил денеска соопшти дека се укинати визите за македонските граѓани за Колумбија.
– Укинати се визите и за Колумбија, најбрзо растечката економија на континетот, втората најбројна држава од Јужна Америка и волшебната земја од романите на Габриел Гарсија Маркес, напиша Боцевски.
Најави и дека следни на списокот за укинување визи за македонските граѓани се Уругвај и Парагвај.
Во земјите од Јужна Америка слободно патуваме во Бразил, Аргентина, Чиле и Перу.
Боцевски додава дека безвизниот режим ги зголеми обврските за македонската амбасада во Бразилија, но засега, наведува, соработката е одлична и со македонските туристички компании и со македонските иселеници на континентов.
Фото: Фејсбук/Боцевски