Министерот за здравство Венко Филипче, утрово остварил средба со амбасадорот на Народна Република Кина, Џанг Ѕуо, на која разговараале за состојбата со корона вирусот во Кина и мерките за претпазливост кои се преземаат.
„На средбата, кинескиот амбасадор Ѕуо го информираше министерот Филипче дека работниците кои работат во кинеската компанија „Синохидро“, а се вработени од Република Кина и кои редовно транзитираат на релација Кина-Северна Македонија имаат препорака да се вратат покасно, а непосредно пред враќањето 14 дена ќе бидат во карантин, по што со најава ќе бидат вратени назад. Со ова, дополнително се активираат мерките на претпазливост од можност за коронавирус во нашата држава,“ информираат од Министерство за здравство.
Според Филипче, државата постапува согласно насоките од Светската здравствена организација (СЗО) и целосно е подготвена да се справи со корона вирусот.
Пред неколку дена од Синдикатот за градежништво, индустрија и проектирање (СГИП) посочија дека кај нас има постојано заминување и доаѓање на кинеските работници од кинеската компанија „Синохидро“ во државава и повикаа да не се лимитира престојот на работниците за работа.
ПОВРЗАНИ ВЕСТИ
Фото: Министерство за здравство