Не стивнуваат реакциите за скандалозната изјава на министерката за култура Бисера Костадиновска-Стојчевска во која таа ги „насочи“ уметниците како да творат за да немало говор на омраза кон Бугарија.
ПОВРЗАНИ ВЕСТИ
Костадиновска Стојчевска и стана позната на јавноста кога како пратеник се појави во македонското Собрание во скафандер за да гласа, бидејќи беше позитивна на Ковид-19.
Што пишува во нејзината биографија
Бисера Костадиновска Стојчевска е родена на 20 февруари 1986 година во Битола.
Докторирала на Педагошкиот факултет, УКЛО – Битола, англиски јазик.
Од 2009 до 2012 година e избрана за лектор по англиски јазик и држи предавања по предметот англиски јазик на Педагошкиот факултет во Битола.
Од 2011-2012 година била предавач по англиски јазик во Агенцијата за електронски комуникации во Битола.
Како пратеничка членувала во повеќе комисии: Комисијата за образование, наука и спорт, Kомисијата за труд и социјална политика и Комисијата за европски прашања.
Била член на делегација на Собранието во Парламентарното собрание на Советот на Европа.
Изминатите години била член на неколку пратенички групи: пратеничката група на Собранието за соработка со Парламентот на Кралството Белгија, пратеничка група на Собранието за соработка со Парламентот на Обединетото Кралство на Велика Британија и Северна Ирска.
Членувала и во пратеничка група за соработка со Парламентот на Унгарија, како и во пратеничката група за соработка со Парламентот на Чешката Република.
Фото: Фејсбук/Костадиновска Стојчевска