Листата на советници и надворешни соработници на премиерот Зоран Заев се зголеми за вкупно десет лица, од 23 на 29.
Поранешниот министер Аксел Ахмедовски стана советник за правни прашања, а неговиот колега Едмонд Адеми е нов советник за надворешни работи.
Поранешниот директор на Агенцијата за храна и ветеринарство Зоран Атанасов ќе го советува премиерот за земјоделство и безбедност на храна, а Зоран Ѓорѓиев од „Македонски шуми“ стана советник за спроведување реформи во шумарството.
Поранешниот директор на АД за „Аеродромски услуги“, Виктор Петрушевски е нов советник за локална самоуправа.
Силвија Митевска стана советник за спорт, а водителката Елена Митева за организација на медиумски активности.
Сите советници ќе добиваат плата од 55.268 денари.
Меѓу новите имиња на листата ндворешни соработници е и Спасе Додевски, кој стана надворешен соработник за унапредување на образованието, здравствената и социјалната заштита за плата од 46.000 денари.
Драган Василевски е надворешен соработник за одбрана за плата од 40.000 денари, а за истата плата Дејан Николовски ќе го советува премиерот за инвестиции помеѓу општините и Владата.
Фото: Влада