Во сите православни храмови во земјава утрово се одржуваат воскресенски литургии по повод најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите.
Во Соборниот храм „Св. Климент Охридски“ во Скопје, каде од утринава има голем број верници, со литургијата чиноначалствува поглаварот на Македонската Православна Црква – Охридска Архиепископија г.г. Стефан.
Воскресението Христово беше објавено на полноќ со биење на камбаните во сите храмови на Македонската православна црква-Охридска Архиепископија.
Годинава, за првпат директно од Ерусалим беше донесен и светиот Благодатниот оган од Базиликата на Светиот Гроб во Ерусалим.
Благодатниот оган, во фенер, на скопскиот аеродром го изнесе делегатот на Светиот архиерејски Синод на МПЦ-ОА, митрополитот Тетовски-гостиварски, г. Јосиф по што од него свеќи запалија присутните претставници на владината и на црковната делегација, кои ја пречекаа делегацијата од Ерусалим.
ПОВРЗАНИ ВЕСТИ
Ова е посебен Велигден и значаен момент во македонската црковно-национална меморија, вели Ковачевски
Православните верници го слават Велигден: Христос Воскресе!
МИА/Фото: Влада