Лотарија на Македонија АД Скопје во првите три месеци оствари позитивен финансиски резултат искажан во неревидираниот Биланс на успех во износ 1.567 илјади денари, што претставува намалување за 34,48% споредбено со 2021 година, информираат од компанијата преку Македонската берза.
“Кај оперативната добивка во износ од 1.798 илјади денари споредбено со минатата година има намалување од 31,32%.
Остварените вкупни приходи за периодот 01.01.2022-31.03.2022 година, во висина од 7,526 илјади денари, се зголемени за 18,33% споредбено со остварените приходи во 2021 година.
Во структурата на вкупните приходи најголемо учество од 99,79% имаат оперативните приходи, кои за овој период се зголемени за 19% во однос на претходната година.
Кај финансиските приходи кои се 0,21% од вкупните приходи има намалување за 68% во однос на минатата година.
Пораст од 54,71% бележат вкупните расходи, кои за периодот јануари – март 2022 година изнесуваат 5,712 илјади денари. Оперативните расходи учествуваат со 100% во структурата на вкупните расходи“, велат од компанијата.
ПОВРЗАНИ ВЕСТИ
Лотарија на Македонија лани работела со намалена добивка