Мајката и детето биле сами во станот, заклучени од внатрешната страна, сопругот задржан во полицијата: Нови детали од Обвинителството за трагедијата во Карпош

Денеска од Основното јавно обвинителство Скопје споделија нови детали за трагедијата во скопски Карпош, при која мајка со девојче скокна од висококатница.

ПОВРЗАНИ ВЕСТИ

Трагедија го потресе Карпош: Мајка со дете во рака скокнала од зграда

Како што велат од таму, пред скокот тие биле сами во станот, заклучени од внатрешната страна.

Исто така сопругот е задржан во полициска станица и се испитува негова евентуална кривична одговорност.

Во станот на починатите се врши детален претрес, а исто така и распити на повеќе лица кои имаат определени сознанија во врска со трагедијата.

Се врши и екстракција на податоци од мобилни телефони и се обезбедуваат снимки од видео надзор и други снимки од неколку локации.

Обвинителството побарало и детално известување од Министерството за внатрешни работи (МВР) и од Центарот за социјални работи за сите евентуални претходни пријави и поплаки од починатата.

Ќе се нареди и внатрешната контрола на МВР да го испита постапувањето по тие пријави.

ПОВРЗАНИ ВЕСТИ

Сопругот на загинатата жена во Карпош имал 10 кривични пријави поврзани со имотни деликти, насилен криминал и недозволена трговија со дрога

“Самоубиство на мајката со ќеркичката не е само трагедија – тоа е крик што предолго останува неслушнат“: Реакции за немилиот настан во Карпош

После години пријавувано семејно насилство, обид за убиство во државна институција ги загубив внуката и сестрата, вели Александар Стојаноски за трагично загинатите во Карпош