Мермерен Комбинат АД Прилеп за периодот од 1 јануари до 30 јуни 2019 оствари приходи од продажба во износ од 774.516 илјади денари, што претставува намалување за 34% споредено со истиот период изминатата година, соопшти компанијата преку Македонската берза.
„Остварена е оперативна добивка за периодот во износ од 479.912 илјади денари, споредено со остварената оперативна добивка во истиот период во 2018 година во износ од 741.970 илјади денари.
EBITDA за периодот 1 јануари – 30 јуни 2019 година изнесуваше 540.158 илјади денари, наспроти остварениот износ од 815.359 илјади денари истиот период изминатата година.
Крајниот резултат по оданочување за вториот квартал 2019 година е позитивен и изнесува 430.389 илјади денари, наспроти остварена добивка за истиот период минатата година од 666.489 илјади денари.
Оперативните расходи изнесуваат 389.946 илјади денари и се пониски за 4.12% во однос на истиот период минатата година.
Намалени се трошоците за материјали и суровини и расходите за вработените, но зголемени се трошоците за надворешни услуги. Трошоците за амортизација изнесуваат 59.041 илјади денари и тие се пониски за 18.02% во однос на ланската година“, велат од компанијата.