„Ерата на новинарство во која пораснав беше доминирана од мажите, но тоа не ме уплаши мене.“, вели Барбара Валтерс.
Светот илјадници години се водел според еден социјален дизајн. Неговите граници и линии тешко се поместуваат, но постојат тие на чиј грб тежината на самиот свет може да се мрдне. Меѓу нив се жените чија храброст, интуиција, интелигенција, делување и доблест креираат сопствена гравитација која ги привлекува сите кон остварување на нивните соништа. Тие се лидерите на промената.
Ана Франк
Ана Франк е млада еврејка која била приморана да се крие за време на Холокаустот во нацистичка Германија. Преку нејзиниот познат Дневник таа го документирала својот живот од 13 до 15 години и го отворила прозорот за сите кои не можеле да ги видат злосторствата во Втората светска војна.
Соџернер Трут
Соџорнер Трут била активист за правата на жените. Таа е позната по својот говор „Не сум ли јас жена“, во кој повикува на еднаквост за сите жени, вклучувајќи ги и афро-американките. Трут била родена во ропство, но избегала со својата ќерка, го променила името и се прекрстила.
Јуса Мардини
Јусра Мардини е 19-годишна пливачка која избегала од Сирија со својата сестра по уништувањето на нивната куќа во граѓанската војна. Кога моторот на нивниот чамец престанал да работи, таа скокнала во водата и го туркала чамецот полн луѓе цели 3 часа додека да стигнат на копно. Таа подоцна тренирала и учествувала на Олимпијадата во 2016-та година.
Амелија Ерхарт
Амелија Ерхарт била првата жена која го прелетала Атлантскиот океан сама. Таа поставила многу рекорди во авијацијата и со многу работа ја здобила почитта од нејзините колеги, кои биле мажи. Ерхарт била амбасадор на еднаквоста на жените, и инспирирала многу од нив да ги следат нејзините чекори правејќи ја Амелија безвремен симбол.
Џоан Лиу
Џоан Лиу моментално е претседател на Доктори без граници, една од најпочитуваните организации во светот. Таа има работено со бегалци, има поддржано заедници погодени од природни катастрофи, и има организирано повеќе програми за медицинска помош на жртви од сексуално насилство. Лиу го развила проектот за телемедицина, кој помогнал во обучувањето на специјалисти во тешко пристапни локации во целиот свет.
Касандра де Пекол
Касандра де Пекол е Американка со Гинисов рекорд за, прва личност која за најбрзо време ги има прпатувано во сите суверени нации во светот. За време на нејзините патувања, таа била амбасадор на мирот за Меѓународниот институт за мир преку туризам, и е хуманист и голем активист за заштита на животната средина.
Симон де Бовоар
Симон де Бовоар е француски филозоф и е позната по својата книга „Вториот пол“. Во неа таа ја разгледува опресијата на женственоста низ историјата, и таму се повикува на идејата за полова разлика за прв пат. Многумина ја почитуваат книгата како темел на модерниот феминизам.
Вангари Маатаи
Вангари Маатаи е првата Африканка и првата активистка за заштита на животната средина која ја добила Нобеловата награда за мир. Таа го започнала движењето „Зелениот појас“, како еко-феминистичка организација која посадувала дрва, се борела против де-форестацијата, и обезбедувала ресурси за жените од рурална Кенија.Таа е амбасадор за заштита на животната средина како и правата на жените и демократијата.
Малала Јусуфзаи
Малала Јусуфзаи е млада активистка од Пакистан која е позната по нејзината пожртвуваност за зголемување на женската едукација, посебно во нејзиното село каде Талибанците не дозволувале девојчињата да одат на училиште. Малала преживеала обид за убиство од Талибанците на 15 години. Таа повторно се вратила дома како активист и е најмладиот добитник на Нобелова награда за мир во историјата.
Худа Шаарави
Худа Шаарави била лидер на феминистичко движење во Египет. Таа организирала јавни предавања и други академски предавања за жените од Египет во својот дом. Полека со секое свое делување таа создала организација за поддршка на сиромавите жени од Египет. Во 1923 година, таа го тргнала својот вел во јавноста, и со тоа го направила еден од најпознатите симболи во историјата на феминизмот.
Овие се неколку жени кои ги поместиле, и сѐ уште ги поместуваат границите на општеството.
За тие кои сакаат да се лидери во нивните области, без разлика каде работат што посакуваат и како сонуваат, можат да го направат тоа со лекциите кои ќе ги споделат Симон Синек, бестселер според New York Times, Енџела Аерндтс, главен потпретседател на малопродажба во Apple, Џон К. Максвел, експерт за лидерство, Размус Анкерсен, автор и бестселер, Крег Грошел, ко-основач и главен пастор, Life.Church на Глобалниот лидерски самит кој ќе се оддржи во Македонска филхармонија во Скопје на 23-ти ноември 2018 од 09.00 до 16.00 часот.
Повеќе инфо: www.glsmacedonia.org
Мејл: [email protected]
Карти: www.karti.com.mk/globalen-liderski-samit-2018