еМагазин
Image default
ЖИВОТ ТОП СТОРИИ

(Галерија) Молебен на гробот на Св. Кирил во базиликата „Сан Клементе” во Рим

Во базиликата „Сан Клементе” во Рим денеска се одржа молебен на гробот на Св. Кирил со кој чиноначалстуваше митрополитот европски г. Пимен во сослужение со митрополитот Тетовско-гостиварски г. Јосиф и отец Митко Газинковски од Македонската православна црква – Охридска архиепископија.

Денеска, како што рече г. Пимен, после една година се наоѓаме повторно на местото каде минатата година ја слушнавме радосната вест дека сме примени во соборот на православните цркви, дека се признава нашата афтокефалност.

„Како што нема од Бога избрани три јазици за проповед, така нема ни само неколку народи за елитата на православието да ја чинат,“ рече г.Пимен и додаде дека светоста на црквата православна ја дополнува обединетоста во различностите и ние Македонците не отстапуваме во борбата нашата Македонската православна црква да има место во единството.

Претседателот на Собранието Талат Џафери, кој ја предводи државно-црковната делегација по молебенот положи венец на гробот на Св. Кирил. На молебенот присуствуваа и пратениците Соња Мираковска од СДСМ, Дафина Стојаноска од ВМРО – ДПМНЕ, Арбер Адеми од ДУИ, генералниот секретар на Собранието Цветанка Иванова, директорот на Комисијата за односи со верски заедници, Даријан Сотировски, директорката на Институтот за македонски јазик, Елена Јовановска Грујовска и отец Зоран Стојанов од Католичката црква.

Џафери положи цвеќе и пред спомен – плочата на македонски јазик во чест на Св. Кирил во базиликата „Санта Марија Маџоре”.

Поклонението на гробот на Св. Кирил во базиликата „Сан Клементе” во Рим првпат е организирано во 1969 година за 1100 години од смртта на свети Кирил, и оттогаш секоја година на 24 мај се одбележува со највисоки почести од црковно-државна делегација.

ПОВРЗАНИ ВЕСТИ

(Галерија) Џафери со бугарскиот колега Желјазков положија венци на плочите на Св. Кирил во базиликата „Санта Марија Маџоре”

(Галерија) Џафери на Ауденција кај Папата Франциск, му подари графичка икона „Богородица Несвенлива Роза“

МИА/Фото: Џафери/Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нови 386 случаи на Ковид-19, во Скопје 205

Редакција

Трамп осуден за сексуален напад на новинарка, треба да плати пет милиони долари отштета

Редакција

Каков имот пријавил еврокомесарот за проширување Оливер Вархеји

Редакција