Една од најгледаните забавни емисии на Канал 5, „Голден карпет“ на 5 ноември, недела во 19.30 часот започнува со новата четврта сезона во која се најавуваат многу позитивни промени, како и ексклузивни гости, игри, предизвици и ново студио.
Како и до сега Миро Кацаров е домаќин, а друштво оваа година ќе му прават две дами кои се добро познати на македонската јавност.
Инфлуенсерката Ивана Јанковска останува во тимот, а се приклучува мисицата Моника Црнокрак, на која ова ќе и биде прво сериозно телевизиско искуство.
Комичарот и актер Бојан Велевски исто така го засилува тимот со своја рубрика која ќе ја има секоја недела во 19.30 часот.
Изминативе години во „Голден карпет“ ги гледавме најпопуларните музичари, најуспешни доктори, најпознатите актери, најтрофејните спортисти и најеминентните политичари од Македонија и регионот.