На битолчанецот кој заврши со тешко труење на Токсикологија, во кафуле во Битола наместо минерална вода му бил даден калиум натриум хидроксид, објави Фокус.
Се работи за отстотен раствор кој се користи за машинско миење на садови.
Во тек е истрага која треба да утврди како ова корозивно средство се нашло во пијачката која му била дадена на битолчанецот.
Од скопска Токсикологија велат дека пациентот бил донесен во тешка здравствена состојба.
„Вели: „се напив една голтка и осетив дека не е вода“. Интоксикација со корозивно средство има пациeнтот. Не знаеме како е дојдено до тоа, но таква изјава дава, дека бил во кафуле и кога ја отворил водата, од првата голтка почувствувал дека тоа не е вода“, објаснува за Фокус директорот на болницата, Ридван Бајрами.
Тој додава дека пациентот е на опсервација, бидејќи последиците од овие токсични материи се осеќаат подоцна.
ПОВРЗАНИ ВЕСТИ
На битолчанец наместо вода во угостителски објект му било дадено корозивно средство
Фото: Општина Битола