еМагазин
Image default
Балкан

На солунското пристаниште конфискувани контејнер со над 12 милиони шверцувани цигари од Кина наменети за Македонија

Со помош на скенер и специјално обучено куче, царинските служби на солунското пристаниште откриле контејнер од Кина со 629.000 кутии, односно 12.596.000 парчиња шверцувани цигари, соопштуваат од Независна служба за јавни приходи на Грција, јави дописничката на МИА од Атина.

Сомнителниот контејнер со шверцуваните цигари, според грчката телевизија Антена требало да стигне во Северна Македонија, а надлежните власти се сомневаат дека фирмата наведена во документите воопшто и не постои.

Во документите наместо цигари, било пријавено, дека контејнерот што од Кина пристигнал во Солун, содржи ткаенини.

-Беше направена контрола на конкретниот контејнер кога пристигна на пристаништето во Солун од Кина. Скенерот на почеток покажа знаци дека постојат тутунски производи, а овие знаци потоа беа потврдени од кучето, вели за грчката телевизија Антена, директорката на царинската служба во Солун, Фотини Парусиду.

Од Независна служба за јавни приходи на Грција, соопштуваат дека царинските давачки, а со тоа и штетата за земјата од шверцуваните цигари достигнува до 2.491.400,57 евра.

Цигарите и контејнерот како средство за транспорт на шверцувана стока, биле конфискувани, а за случајот бил информиран и Јавниот обвинител во Солун.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ВИДЕО) Протести и во Србија: „Стоп за крвавите кошули“

Редакција

Префектот на грчката област Централна Македонија: Сѐ додека сум префект, на таблите ќе пишува Скопје, а не Северна Македонија

Редакција

Во Турција по две години укината вонредната состојба

Редакција