Наставник и ученик со коронавирусот однесоа во изолација двајца наставници и 25 ученици во Тиквешко, а заболени се и тројца здравствени работници, потврди за МИА доктор Ристе Јовановски, специјалист епидемиолог во Центарот за јавно здравје Кавадарци.
– Во Кавадарци во изминатите 24 часа потврдени се 39 нови случаи со Ковид-19, на возраст од 8 до 86 години. Двајца од нив се здравствени работници. Има позитивен второодделенец од основно, како и заболена наставничка од подрачно училиште, појасни Јовановски.
Во Неготино се потврдени 11 случаи, на возраст од 26 до 76 години, еден е здравствен работник.
Еден позитивен случај има во Демир Капија, на возраст од 60 години.
МИА/Фото: Општина Кавадарци
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.