Поради отворањето на контроверзното здружение именувано по фашистичкиот државник, слуга на Хитлер и борец против македонизмот „Цар Борис III“, Левица – Охрид ја повикува целокупната здраворазмуна јавност на протест против уривање на уставниот и државен поредок на Република Македонија и против разгорувањето на национална омраза, информираат од огранокот на партијата во Охрид.
“Да го зачуваме достоинството на македонската нација и споменот на македонските антифашистички борци и да не дозволиме рушење на интегритетот на државата!
На 7-ми октомври (петок) со почеток од 11 и 30 часот на улица „Македонски Просветители“, пред ТЦ Амам – Охрид, да се мобилизираме и да го искажеме нашиот антифашистички порив.
Не за славење на крвници на македонската нација и не за воздигнување на непријателите на човештвото!
Не за бугарскиот Хитлер!
Најстрого го осудуваме отворањето на овој клуб во Република Македонија и премолчувањето од страна на Владата која директно ја подржува рехабилитацијата на фашизмот.
Сплотени против империјализмот и антимакедонизмот, да го искажеме народниот револт.
Смрт за фашизмот, слобода на народот!“, велат од партијата.
ПОВРЗАНИ ВЕСТИ
Кој е царот Борис Трети, по кој е именувам вториот бугарски клуб, кој ќе се отвори во Охрид
Левица ќе поднесе иницијатива за забрана на бугарското здружение „Цар Борис III“