Откако вчера заменичката на градоначалничката на Град Скопје, Данела Арсовска, Бујаре Абази поднесе оставка, на таа позиција денеска е именуван Александар Трајановски, советник во Советот на Град Скопје од редовите на ГРОМ.
-Александар Трајановски доаѓа од приватниот сектор и беше избран за член на Советот во Град Скопје на локалните избори кои се одржаа минатата година.
Имајќи во предвид дека во тек е неговиот втор мандат како советник во Град Скопје, Трајановски е еден од поискусните во овој советнички состав со долгогодишно искуство во работата на локалната самоуправа и градската администрација, велат од Градот.
Оттаму додаваат дека Трајановски е прва генерација стипендист на програмата за „Напредно лидерство“ – АЛПИ организиран од Институтот ИРИ, Американската амбасада и Стејт департментот и стипендист на Институтот за јавни политики „Мајка Тереза“ поддржан од Европската Унија.
-Неговото искуство во голем дел ќе придонесе во остварувањето на програмата „За Модерно Скопје“ и остварувањето на интересите на сите граѓани на Скопје, се додава во соопштението.
ПОВРЗАНИ ВЕСТИ
Арсовска се скара со ВМРО-ДПМНЕ, се здружува со “Огнената група“ на ДУИ и ГРОМ?
Каков имот пријавила Бујаре Абази, заменик градоначалничка на Град Скопје, која поднесе оставка
Фото: Град Скопје