Според неделниот извештај на Институтот за јавно здравје во периодот (ИЈЗ) од 15 до 21 март 2021 година, тестирани се вкупно 24.517 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 8,4 проценти во однос на минатата недела.
„Регистрирани сe 6.899 нови позитивни случаи од 35 градови во државата со зголемување од 26,4 проценти во однос на минатата недела.
Најголем дел од регистрираните случаи се од Скопје (49,9 отсто), со неделна инциденца – 557,1/100.000.
Највисока неделна инциденца од 899,1/100.000 е регистрирана во Неготино (заедно со Демир Капија).
Процентот на позитивност се движи од 23,4 до 32,3 отсто, просечно 27,9 отсто, 3 отсто повеќе во споредба со минатата недела,“ се вели во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
Најголемо процентуално зголемување на заболени од Ковид-19 има кај децата од 10 до 19 години