Осомничениот за палењето на автомобилите на бугарската Амбасада наполнил бензин во пластично шише од бензинска во близина: Детали од Обвинителството

44-годишниот И.Д., кој е осомничен за палењето на автомобилите на бугарската Амбасада, во пластично шише, наполнил бензин на бензинска пумпа во близина на Амбасадата.

ПОВРЗАНИ ВЕСТИ

(Видео) 44-годишен И.Д ги опожарил дипломатските автомобили на бугарска Амбасада: Детали од МВР

До булеварот “Митрополит Теодосиј Гологанов”, каде се наоѓа Амбасадата, дошол со автобус.

Овие информации ги соопши Основното јавно обвинителство Скопје, кое побара притвор и поведе постапка против него за кривичното дело “Предизвикување општа опасност“, посочувајќи дека тој со пожарот предизвикал “значителна опасност за животот и телото на луѓето и за имотот од големи размери“.

-Имајќи го предвид видот, карактерот и тежината на предметното кривично дело, фактот што било извршено врз две дипломатски возила на пладне, во центарот на Скопје, во период кога фреквенцијата на луѓе и возила во овој дел на градот е голема, јавниот обвиниел оцени дека постојат очигледни околности што укажуваат дека постојат условите за определување на мерката притвор и предложи на Судот да определи таква мерка за обезбедување во текот на постапката, велат од таму.

ПОВРЗАНИ ВЕСТИ

Путин му е идол, а возилата на бугарската Амбасада ги запалил оти биле паркирани непрописно: „Слободен печат“ со нови детали за осомничениот

(Фото) Веста за палењето на автомобилите на бугарската Амбасада во Скопје го обиколи регионот