Податоците на Регистарот на цени и закупнини за пазарот на недвижности на Агенцијата за катастар за првата половина од годинава покажуваат дека најскапиот стан за тој период е продаден во скопската општина Центар.
Станува збор за стан од вкупно 50 метри квадратни, вклучувајќи и четири метри квадратни помошни простории, а истиот е продаден за 168.000 евра. За метар квадратен купувачот на овој стан дал 206.640 денари.
Во скопската општина Карпош пак за овој период е продадена најскапата куќа. Истата се протега на простор од 575 метри квадратни, а се наоѓа на земјиште со површина од 1.731 метри квадратни. Истата е продадена за 1,5 милион евра.
Во скопската општина Аеродром е продаден најскапиот деловен простор – за 6,7 милиони евра. Станува збор за објект со површина од 3.478 метри квадратни.
ПОВРЗАНИ ВЕСТИ
„Трка“ меѓу Скопје и Охрид: Каде квадрат за стан е повисок
Во Скопје за закупнина за стан се плаќа и 3.741 евра
Како се движи цената на становите во Скопје?
